في سوق الأدوات المكتبية في مصر، مشكلة الباركود مش بسيطة زي ما الناس متخيلة. رغم إنها مجرد كود صغير، لكنها عنصر أساسي في أنظمة البيع، الجرد، والتوصيل الحديثة. لكن الواقع إن كتير من المنتجات، خصوصًا من الصين، الهند، أو المنتجات المحلية، مافيهاش باركود مميز لكل منتج
مثال شهير: قلم روتو ليكويد
قلم Roto Liquid Ball Pen معروف جدًا في السوق المصري. الغريب إن القلم الواحد وكمان علبة فيها 12 قلم ليهم نفس الباركود: 6224007206393 ودي مشكلة كبيرة! القلم الواحد والعلبة مش نفس السعر ولا المفروض يتسجلوا كمنتج واحد.
ليه الموضوع مهم؟
في منتجات تانية تلاقي القلم الأزرق والأسود نفس الكود، رغم إن العملاء بيتصرفوا معاهم بشكل مختلف. والأسوأ، إن في منتجات مافيهاش باركود أصلاً، أو الباركود بتاع العلبة بتحط على المنتج الفردي. دا بيشكل مشكلة لأنظمة التخزين الحديثة عند السوبرماركت، منافذ البيع الاونلاين، وتطبيقات التوصيل.
محلات الأدوات المكتبية التقليدية بتتجاهل المشكلة عشان حلها مكلف، ومش باين ليه عائد مباشر
أما السوبر ماركتات الكبيرة، فبتحاول تتفادى المشكلة دي بإنها تشتري بس من ماركات عالمية، لكن ده بيقلل التنوع، وبيخلي كل المنتجات غالية، وده مش مناسب لغالبية العملاء في مصر
الحل من المكتبة الصغيرة: نظام باركود خاص بينا
إحنا في المكتبة الصغيرة ما بنرضاش بالفوضى. بنعمل باركود محلي لكل منتج، حتى لو المنتج نازل من المصنع من غير كود. ده بيخلّي
- الجرد دقيق ومنظم
- التحليل والتوقع بالمبيعات سهل
- المنتجات تتباع في السوبر ماركت، على الإنترنت، وفي التطبيقات بسهولة
النتيجة: نظام شغال بدون مشاكل
مع نظام الباركود بتاعنا، المحلات تقدر تبيع:
- منتجات موفرة في السعر ومطلوبة
- متوافقة مع أنظمة البيع
- في أي مكان، سواء محل، موقع إلكتروني، أو أبلكيشن
